Print this page

فوجی عدالتوں کے ماتحت 3دہشتگردوں کو تختہ وار پر لٹکادیا گیا

 

ایمزٹی وی(راولپنڈی)فوجی عدالتوں سے سزا پانے والے مزیدتین افراد کو پھانسی دیدی گئی ہے۔آئی ایس پی آر کے مطابق تینوں دہشتگردوں کو ہائی سکیورٹی جیل ساہیوال میں پھانسی دی گئی۔پھانسی پانے والوں میں سید زمان خان،شوالے اور محمد ذیشان شامل ہیں۔
پھانسی پانے والے دہشتگرد فوج پر حملوں اور دہشتگردانہ واقعات میں ملوث تھے,شوالے کا تعلق کالعدم تحریک طالبان پاکستان،سید زمان اور محمد ذیشان کا تعلق کالعدم حرکت الجہاد سے تھا۔
تینوں دہشتگردوں نے اپنے جرائم کا اعتراف کیا تھا۔فوجی عدالتوں سے اب تک 161 مجرمان کو سزا سنائی گئی ہے,اب تک 21 مجرموں کو پھانسی دی جاچکی ہے۔ واضح رہے کہ چند روز پہلے بھی فوجی عدالتوں سے سزا پانیوالے 5 دہشتگردوں کو پھانسی دی گئی تھی۔

 

پرنٹ یا ایمیل کریں