جمعہ, 04 دسمبر 2020


رضا ربانی بلامقابلہ چیئرمین سینیٹ منتخب

ایمز ٹی وی (اسلام آباد) چیئرمین سینیٹ کے لئے حکومت اور اپوزیشن کی جانب سے نامزد امیدوار رضا ربانی بلامقابلہ چیئرمین سینیٹ منتخب ہوگئے جب کہ ڈپٹی چیئرمین کے لئے 4 امیدوار میدان میں ہیں۔

ذرائع کے مطابق چیئرمین سینیٹ کے لئے رضا ربانی نے اپنے کاغذات نامزدگی جمع کرائے جن کے مقابلے میں کسی امیدوار نے اپنے کاغذات جمع نہیں کرائے اور مقررہ وقت ختم ہونے کے بعد رضا ربانی چیئرمین سینیٹ منتخب ہوگئے جب کہ ڈپٹی چیئرمین سینیٹ کے لئے جے یو آئی (ف)کی جانب سے مولانا عبدالغفور حیدری اور حافظ حمد اللہ نے کاغذات نامزدگی جمع کرائے۔ تحریک انصاف کی جانب سے شبلی فراز اور بی این پی (مینگل) کی جانب سے جہانزیب جمالدین نے بھی ڈپٹی چیئرمین شپ کے لئے اپنے کاغذات جمع کرادیئے ہیں۔

واضح رہے کہ صدر مملکت ممنون حسین تین روزہ سرکاری دورے پر بیرون ملک گئے ہوئے ہیں اور رضا ربانی اپنے عہدے کا حلف اٹھاتے ہی قائم مقام صدر بھی بن جائیں گے۔

پرنٹ یا ایمیل کریں

Leave a comment