جمعرات, 29 اکتوبر 2020


خواجہ آصف کا حسین حقانی کے معاملےپر شدید رد عمل

 

ایمزٹی وی(اسلام آباد)وزیردفاع خواجہ آصف نے حسین حقانی معاملے پر پارلیمانی کمیشن بنانے کا مطالبہ کردیا۔تفصیلات کے مطابق اسپیکر سردار ایاز صادق کی زیر صدارت قومی اسمبلی کے اجلاس کے دوران وزیردفاع خواجہ آصف نے امریکہ میں سابق سفیر حسین حقانی کے بیان پر رد عمل دیتے ہوئے کہا کہ حسین حقانی معاملے پر پارلیمانی کمیشن بنایا جائے ،یہ معاملہ قومی سلامتی کا ہے ہر 3 ماہ بعد اٹھایا جارہا ہے۔
خواجہ آصف نے کہا کہ اسامہ بن لادن کا پاکستان میں ہلاک ہونا ہمارے لئے مسائل پیدا کررہاہے،امریکیوں کو ویزوں کے اجراءمیں سابق وزیرداخلہ ملوث ہیں اور اپوزیشن لیڈر نے صرف غدار کہہ کر جان چھڑالی،بیان سے پہلے لاتعلقی کااعلان نہیں کیا گیا۔
وزیردفاع کا کہنا تھا کہ حسین حقانی کیخلاف ہم سپریم کورٹ گئے،حسین حقانی عدالت سے اجازت لیکر واپس نہیں گئے۔انہوں نے کہا کہ حسین حقانی کے ایبٹ آبادآپریشن پر اپوزیشن لیڈر سمیت سب نے رد عمل دیا۔
خواجہ آصف نے مزید کہا کہ حسین حقانی اہم عہدوں پر فائز رہے اور اس وقت کے صدر اور وزیراعظم نے ان کے بیان کو تسلیم کیا تھا۔ اس حساس معاملے کی تحقیقات کرنی چاہیے,پیر کو حسین حقانی سے متعلق تفصیلی بیان دونگا۔

 

پرنٹ یا ایمیل کریں

Leave a comment