ایمزٹی وی (راولپنڈی) یوم پاکستان کیلئے موٹر وے پولیس نارتھ زون نے ٹریفک مینجمنٹ پلان جاری کر دیا۔ ہیوی ٹریفک کا یوم پاکستان کی تقریب کے دنوں میں جی ٹی روڈ سے راولپنڈی اسلام آباد میں داخلہ ممنوع ہو گا۔ ڈی آئی جی موٹر وے پولیس نارتھ زون عباس احسن نے بتایا کہ 21اور 23مارچ کو تمام ہیوی ٹریفک کو ٹال پلازوں پر روک دیا جائیگا۔ مزید معلومات کیلئے انفارمیشن ڈیسک یا ہیلپ لائن 130پر رابطہ کیا جا سکتا ہے۔
سٹی ٹریفک پولیس راولپنڈی کے مطابق 21مارچ کو فل ڈریس ریہرسل کے موقع پر فیض آباد سے ہر قسم کی ٹریفک مکمل بند رہے گی۔ راولپنڈی مری روڈ سے اسلام آباد جانیوالی ٹریفک ڈبل روڈ چوک ڈائیورشن پوائنٹ‘ سٹیڈیم روڈ سے نائنتھ ایونیو جا سکے گی۔ کرال چوک سے ٹریفک کھنہ پل سروس روڈ‘ چونگی نمبر8، بند کھنہ روڈ صادق آباد راول روڈ سے اسٹیڈیم روڈ کے راستے اسلام آباد جا سکے گی۔