ایمزٹی وی(اسلام آباد)وزیراعظم کی صاحبزادی مریم نواز شریف نے وزیراعظم کیلئے دعا کرتے ہوئے کہا کہ مضبوط ترین لوہا گرم ترین آگ میں تپ کرہی تیار ہوتا ہے۔
تفصیلات کے مطابق سماجی رابطے کی ویب سائٹ ٹوئٹر پر مریم نواز شریف کیلئے ایک فالوور نے پیغام جاری کرتے ہوئے لکھا کہ ”مجھے علم ہے کہ آپ نے بہت تنقید اور پریشر برداشت کیا ہے اور یقین رکھیں یہ سب اللہ کی طرف سے آپ کو آزمانے کا طریقہ تھا“۔
وزیراعظم کی صاحبزادی نے ایک فالوور کے ٹویٹ کو دوبارہ ٹوئٹ کیا جس میں کہا گیا کہ ”اگر آپ ن لیگ کے سپورٹر نہیں ہیں تو پھر بھی اس بات کو تسلیم کرنا چاہیے کہ وزیراعظم کیخلاف کوئی بھی ثبوت نہیں جمع کرایا گیا“۔مریم نواز نے مزید کہا کہ فیصلہ جو بھی آئے نواز شریف کیلئے لوگوں کی حد سے زیادہ سپورٹ اور محبت دیکھ کر خوشی ہوئی ،کسی بھی لیڈر کیلئے یہ سب سے بڑے اعزاز کی بات ہے۔