منگل, 12 نومبر 2019


بھارت پاکستان میں تخریب کاری کیلئے افغانستان کی سرزمین استعمال کرتاہے

 

ایمزٹی وی(اسلام آباد)دفتر خارجہ کے ترجمان نے کہا ہے کہ پاکستان میں دہشتگردی میں بھارت بطور ریاست ملوث ہے،بھارت پاکستان میں تخریب کاری کیلئے افغان سرزمین استعمال کرتا ہے، احسان اللہ احسان نے بھی بیان میں”را“کی موجودگی کاانکشاف کیا ہے، مدرآف آل بم حملے میں13”را“ایجنٹ بھی مارے گئے جوانکی موجودگی کاثبوت ہے، کل بھوشن جادیو جاسوس ہے اور دہشت گردانہ سرگرمیوں میں ملوث ہے اور اس کو قونصلر رسائی دینے کا فیصلہ میرٹ پرکیا جائے گا۔
تفصیلات کے مطابق ہفتہ وار بریفنگ دیتے ہوئے ترجمان نفیس زکریاءنے کرم ایجنسی میں دہشتگردی کے حملے کی مذمت کرتے ہوئے کہا کہ جماعت الاحرار نے کرم ایجنسی حملے کی ذمے داری قبول کی، احسان اللہ احسان نے پاک فوج کے سامنے سرینڈرکیا،سب جانتے ہیں کہ جماعت الاحرارکہاں موجود ہے، احسان اللہ احسان نے بھی بیان میں”را“کی موجودگی کاانکشاف کیا،کل بھوشن جادیو سے متعلق پہلے ہی شواہد موجود ہیں، بھارت پاکستان میں تخریب کاری کیلئے افغانستان کی سرزمین استعمال کرتاہے،پاکستان نے یہ معاملہ پہلے بھی اٹھایا ہے اور بھارت افغان سمیت تمام عالمی فورمز پر اٹھایا جائےگا۔
ترجمان کا کہنا تھا کہ مقبوضہ کشمیرمیں بھارتی مظالم کا سلسلہ جاری ہے، بھارت نے انسانی حقوق کی خلاف ورزیاں چھپانے کیلئے سوشل میڈیا پرپابندی عائدکی، سید علی گیلانی، یاسین ملک اور آسیہ اندرابی کو حراست میں لے لیا گیا۔
نفیس زکریاءنے مزید کہا کہ بین الاقوامی برادری کواحسان اللہ کے بیان کا نوٹس لینا چاہیے، احسان اللہ کے بیان سے ظاہرہے طالبان کوبھارتی ایجنسی کی معاونت حاصل ہے، بھارت،افغان خفیہ ایجنسیاں پاکستان میں دہشتگردانہ سرگرمیوں میں ملوث ہیں، بھارت اورافغان خفیہ ایجنسی کامعاملہ عالمی فورم پراٹھانےکافیصلہ کرلیا ہے، خالد خراسانی کے بھارت میں علاج کا انکشاف بھی کیاگیا،پاکستان کااعلیٰ سطح پارلیمانی وفد رواں ماہ کے آخرمیں افغانستان کادورہ کرےگا۔ نفیس زکریاءنے سابق آرمی چیف راحیل شریف کے فوجی اتحاد کی سربراہی بارے جواب دیتے ہوئے کہا کہ فوجی اتحاد کسی ملک کی حمایت میں یا کسی ملک کے خلاف نہیں ہے۔

 

 

پرنٹ یا ایمیل کریں

Leave a comment