ایمزٹی وی (اسلام آباد)سابق صدر جنرل(ر) پرویز مشرف نے کہا ہے کہ ڈان لیکس معاملے میں چھوٹوں موٹوں کی قربانی دیکر اصل مجرموں کو بچانے کی کوشش کی گئی ہے، قوم کو بتایا جائے معاملے کے اصل کرداروں کے خلاف کیا کارروائی کی گئی؟اصل رپورٹ منظر عام پر لائی جائے۔ سابق صدر جنرل(ر)پرویز مشرف نے کہا کہ ڈان لیکس رپورٹ منظر عام پر لائی جائےاور بتایا جائے کہ وزیراعظم ہاؤس میں ہونے والے اجلاس کے اندر کی خبر کس نے لیک کی؟ قومی سلامتی کو داؤ پر لگانے والے ملک و قوم سے مخلص نہیں ہو سکتے اور نہ ہی قومی سلامتی کے معاملے پر کسی قسم کا سمجھوتہ ہو سکتا ہے۔ پرویز مشرف مطالبہ کیا ہے بتایا جائے کہ قومی سلامتی کی خبر لیک ہونے میں اصل کردار کس کا ہے؟ چھوٹوں موٹوں کی قربانی دے کر اصل کردار کو چھپایا جا رہا ہے، بتایا جائے کہ اصل کردار کے خلاف کیا کارروائی کی گئی ہے؟۔