منگل, 27 اکتوبر 2020


مریم نواز سے پوچھ گچھ مکمل

 

ایمزٹی وی (اسلام آباد)وزیراعظم نواز شریف کی صاحبزادی مریم نواز جے آئی ٹی کے سامنے پیش ہوئیں جہاں انہوں نے اپنا بیان ریکارڈ کروادیا۔ پیشی کے دوران مریم نواز سے ان کے بھائیوں کی بیرون ملک کمپنیوں اور اثاثوں سے متعلق سوالات پوچھے گئے۔
پیشی کے بعد میڈیا سے بات کرتے ہوئے مریم نواز نے کہا کہ پاناما لیکس پہلی لیکس نہیں جس میں انہیں شامل کیا گیا، ڈان لیکس میں بھی انہیں ملوث کیا گیا تھا۔ سپریم کورٹ کے حکم میں ان کا نام نہیں ہے، جے آئی ٹی نے جو پوچھا اس کا جواب دے دیا، جس کے بعد انہوں نے جے آئی ٹی سے پوچھا کہ ہم پرالزام کیا ہے، جس کا جو ان انہوں نے نہیں دیا۔ جے آئی ٹی کے سوالات 60، 70 یا 80 کی دہائی میں ہمارے خاندانی کاروبار کے گرد گھوم رہے ہیں، سرکاری پیسے سے متعلق سوال تو بنتا ہے مگر ذاتی کاروبار پر کوئی سوال نہیں بنتے۔
مریم نواز فیڈرل جوڈیشل اکیڈمی دونوں بھائیوں حسن، حسین اور شوہر صفدر کے ساتھ پہنچیں جب کہ ان کے ہمراہ وزیر مملکت مریم اورنگزیب اور وزیر اعظم کے معاون خصوصی آصف کرمانی بھی تھے۔

 

 

پرنٹ یا ایمیل کریں

Leave a comment