ایمزٹی وی (اسلام آباد)وزیر مملکت برائے پانی و بجلی عابد شیر علی نے کہا ہے کہ جے آئی ٹی رپورٹ میں شریف خاندان کے خلاف حقائق کو چھپایا گیا اور انہیں مسخ کرنے کی کوشش کی گئی ۔ ہمارے مخالفین کے پاس حقائق پر مبنی کوئی چیز نہیں صرف مضروضات ہیں ۔ ہمیں یقین ہے کہ عدالت عظمیٰ فیصلہ انصاف پر دے گی نہ کہ عمران خان کے الزامات پر ۔
سپریم کورٹ کے باہر میڈیا سے گفتگو کرتے ہوئے انکا کہنا تھا کہ اسی سپریم کورٹ نے تحریک انصاف کے شواہد کو پکوڑے ڈالنے والے کاغذات قرار دیا ۔ ہم عدالت اور ججز پر اعتماد کا اظہار کرتے ہیں اور انصاف کی توقع ہے ۔ عمران نامہ اور پرویز مشرف نامہ ماضی کا قصہ بن جائیں گے ۔
عابد شیر علی نے کہا کہ وزیر اعظم نوازشریف کا نام پاناما لیکس میں نہیں ہے تاہم مخالفین کی سازشوں کو پنڈی کے گندے نالے میں بہا دیں گے ، شیخ رشید نوازشریف کو دنیا کاسب سے بہترین انسان کہنے والے تھے ۔انہوں نے شیخ رشید کو شدید تنقید کا نشانہ بھی بنایا۔