جمعہ, 30 اکتوبر 2020


حج پالیسی کا اعلان کر دیا گیا

ایمز ٹی وی(اسلام آباد)حکومت نے سرکاری اسکیم کے تحت حج پالیسی کا اعلان کردیا،رواں سال ایک لاکھ 43 ہزار 368 عازمین حج کی سعادت حاصل کریں گے۔

وفاقی وزیر برائے مذہبی امورسرداریوسف نے حج پالیسی کا اعلان کرتے ہوئے بتایا کہ رواں سال حج کرنے والے خوش نصیبوں کا انتخاب پہلے آئیے پہلے پائیے کے بجائے قرعہ اندازی کی بنیاد پر کیا جائے گا۔حج درخواستیں27 اپریل سے 8 مئی تک 10شیدول بینکوں کے ذریعے وصول کی جائیں گی اور درخواستوں کی قرعہ اندازی 14 مئی کو ہوگی۔

وفاقی وزیر نے بتایا کہ رواں سال حج اخراجات میں بھی کمی کی گئی ہے، سرکاری اسکیم کے تحت حج کرنے والوں کو رہائش اورکھانا عزیزیہ میں فراہم کیا جائے گا جبکہ حجاج کیلئے 24 گھنٹے ٹرانسپورٹ کی سہولت بھی میسر ہو گی۔انہوں نے بتایا کہ پہلی بار 50 فیصد حجاج مدینہ ائر پورٹ اور 50 فیصد جدہ ائر پورٹ پر اتریں گے۔ سردار یوسف نے یہ بھی بتایا کہ قربانی کیلئےعازمین حج کو 14 ہزار 210 روپے جمع کرانے ہوں گے ،حجاج کو وطن واپسی پر ائر پورٹ پر 5 لیٹر آب زم زم دیا جائے گا

پرنٹ یا ایمیل کریں

Leave a comment