Print this page

آج نوازشریف کے حق میں فیصلہ آیا، وزیرِ اعظم

 

ایمز ٹی وی (اسلام آباد)وزیراعظم شاہد خاقان عباسی کا کہنا ہےکہ ہمارے خلاف 28 جولائی کو فیصلہ آیا جسے ہم نے من و عن قبول کیا لیکن اس فیصلے کو تاریخ اور عوام قبول نہیں کرتے۔ اسلام آباد کے کنونشن سینٹر میں ن لیگ کے جنرل کونسل اجلاس سے خطاب میں وزیراعظم کا کہنا تھا جس طرح آج نوازشریف کے حق میں فیصلہ آیا، پورا یقین ہے کہ الیکشن میں عوام ن لیگ اور نواز شریف کے حق میں فیصلہ دیں گے۔ وزیراعظم نے کہا کہ اس بات کا دعویٰ کرتا ہوں جو آمریت 8 سال ملک میں مسلط رہی وہ اپنے کام دکھائے۔

ٹیلی ویژن پر بات کرنے والے آمریت کے 8 سال اور پی پی کے 5 سالہ منصوبے دیکھ لیں، اگر ہمارے منصوبے ان سے 100 گنا زیادہ نہ ہوئے تو ہم حکومت چھوڑنے کو تیا رہیں۔

انہوں نے کہا کہ جو مینڈیٹ آپ نے آج نوازشریف کو دیا وہ الیکشن میں عوام انہیں دیں گے، لیڈر عوام کے دل میں ہوتا ہے، وہ عدالتوں کے فیصلوں سے نہیں ختم ہوتا۔ وزیراعظم نے مزید کہا کہ توقع رکھتا ہوں کہ نوازشریف اور ان کی جماعت، ہم سب مل کر ملک کے مسائل ختم کریں گے۔

 

پرنٹ یا ایمیل کریں