Print this page

15نکاتی ایجنڈے پر وفاقی کابینہ کا اجلاس طلب

 

ایمزٹی وی(اسلام آباد)وزیراعظم شاہد خاقان عباسی کی جانب سے وفاقی کابینہ کا اجلاس آج شام 5 بجے طلب کرلیا گیا ہے۔وفاقی کابینہ کے اجلاس میں 15 نکاتی ایجنڈے پر غورکیا جائے گا۔
زرائع کے مطابق اجلاس میں ملک کی سیاسی اور امن و امان کی صورتحال کا جائزہ لیا جائے گا اورکابینہ زرعی ترقیاتی بینک اورہاؤس بلڈنگ فنانس کارپوریشن کے بقایا جات کی منظوری دے گی۔
اجلاس میں پی آئی اے کارپوریشن کے بورڈ آف ڈائریکٹر کی منظوری سمیت مختلف ممالک سے معاہدوں کی منظوری بھی دی جائے گی، وزارت داخلہ غیر ممنوعہ اسلحہ سے متعلق کابینہ کو بریفنگ دے گی۔
 
اجلاس میں ادویات کی قیمتوں میں اضافے کی سمری سمیت قومی اداروں میں سربراہوں کی تقرری بھی کابینہ ایجنڈے میں شامل ہیں۔

 

پرنٹ یا ایمیل کریں