(اسلام آباد) کیوں نکالا کے بعد جیل سے نکلنے کے جتن پر اڈیالہ میں قید نواز شریف پر گیم بنا دیا گیا، جسے اینڈرائیڈ پر لانچ کیا گیا ہے۔
اڈیالہ کے قیدی نوازشریف پر دلچسپ گیم بن گیا، کرپشن کے جرم میں اڈیالہ جیل میں قید نوازشریف کے بھاگنے کے خواب پر نوجوانوں نے دلچسپ گیم بنالیا۔
اڈٖیالہ اسکیپ نامی گیم پاک اسٹوڈیو نے تیار کیا ہے۔
جس میں نوازشریف جیل کی رکاوٹوں سے بچتے بچاتے بھاگنے کی کوشش کرتے دکھایا گیا ہے، گیم میں جیل سے فرار ہوتے نوازشریف کو آپشن دیا گیا ہے کہ اگر پھنس جائیں تو رشوت بھی دے سکتے ہیں۔
اس سے قبل 2014 میں انٹرنیٹ کے سب سے بڑے سرچ انجن گوگل کے آن لائن گو نواز گو گیم نے دھوم مچائی تھی اور گیم نے انٹرنیٹ پرمقبولیت کے نئے ریکارڈ بنا ڈالے تھے۔
واضح احتساب عدالت کی جانب سے 6 جولائی کو ایون فیلڈ ریفرنس میں نواشریف کو 11، مریم نواز کو 8 اور کیپٹن صفدر کو ایک سال قید کی سزا سنائی گئی تھی۔
نوازشریف اور ان کی بیٹی مریم نواز 13 جولائی کو جب لندن سے وطن واپس لوٹے تو دونوں کو لاہور ایئرپورٹ پر طیارے سے ہی گرفتار کرلیا گیا تھا، جس کے بعد سے نواز شریف اور مریم نواز اڈیالہ جیل میں قید ہیں