جمعرات, 15 اپریل 2021


وفاقی محکمہ اطلاعات کا تمام ریکارڈ جل گیا

 

اسلام آباد: وفاقی محکمہ اطلاعات میں آگ لگ گئی جس کے نتیجے میں بہت سا ریکارڈ جل گیا جب کہ ریسکیو اہلکاروں نے کئی گھنٹے کی جدوجہد کے بعد آگ پر قابو پایا۔ زرائع کے مطابق وفاقی دارالحکومت اسلام آباد میں پریس انفارمیشن ڈیپارٹمنٹ(پی آئی ڈی) کی عمارت میں لگی آگ نے شدت اختیار کرلی جب کہ عمارت میں موجود ریکارڈ جل گیا۔ آگ لگنے کی اطلاع ملتے ہی فائربریگیڈ کا عملہ فوراً موقع پر پہنچا، ریسکیو اہلکاروں نے تمام ملازمین کو بحفاظت باہر نکال لیا، اور دو گھنٹوں کے آپریشن کے دوران آگ پر قابو پالیا۔ سیکریٹری انفارمیشن شفقت جلیل کا کہنا ہے کہ ابھی یہ بتانا مشکل ہے کہ آگ لگنے کے باعث کتنا ریکارڈ جل کر ضائع ہوا ہے۔ دوسری جانب وزیر اطلاعات چوہدری فواد حسین نے میڈیا سے بات کرتے ہوئے کہا کہ دفاتر میں ناقص اور فرسودہ نظام کی وجہ سے ایسے واقعات ہوتے ہیں، بروقت کارروائی سے آگ پر قابو پا لیا گیا ہے، اللہ کا شکر ہے کوئی جانی نقصان نہیں ہوا، پی آئی ڈی کا ریکارڈ محفوظ ہے، تحقیقات کے لئے کمیٹی بنادی گئی ہے، پی آئی ڈی میں تمام ریکارڈ کی ڈیجٹلائزیشن ہورہی ہے۔

 

پرنٹ یا ایمیل کریں

Leave a comment