اتوار, 02 اکتوبر 2022


پنجاب میں بارش ،سندھ اور بلوچستان بدستور گرمی کی لپیٹ میں

ایمز ٹی وی(اسلام آباد)پنجاب کے مختلف علاقوں میں وقفے وقفے سے بارش کا سلسلہ جاری ہے ۔ برستی بارش نے گرمی کو کم کردیا ہے۔ سندھ اور بلوچستان کے بیشتر علاقے بدستور گرمی کی لپیٹ میں ہیں ۔پنجا ب کے مختلف شہروں ساہیوال، ملتان ،وہاڑی،راجن پور اور خیرپور ٹامے والی میں کہیں تیز اور کہیں ہلکی بارش کا سلسلہ جاری ہے، جس سے گرمی کی شدت کم ہوگئی ہے ۔ مالاکنڈ ڈویژن میں موسم جزوی طور پر ابر آلود ہے ۔سندھ اور بلوچستان میں گرمی کی لہربرقرار ہے ،گرمی کی وجہ سے بازاروں اور سڑکوں پر دن کے اوقات میں سناٹا رہتا ہے ۔محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے۔ مالاکنڈ، ہزارہ، پشاور، کوئٹہ، ژوب،راولپنڈی، ڈی جی خان، گلگت بلتستان اور کشمیر میں چند مقامات پرتیز ہواؤں اور گرج چمک کے ساتھ بارش متوقع ہے

پرنٹ یا ایمیل کریں

Leave a comment