اسلام آباد: رواں سال ماہ رمضان میں ملک بھر کے یوٹیلٹی اسٹورز پر اشیاء خوردونوش کی قلت کا خدشہ ہے۔تفصیلات کے مطابق پاکستان یوٹیلٹی سٹورز کارپوریشن بحران کا شکار ہے۔

 

پاکستان یوٹیلٹی اسٹورز کارپوریشن ایک نجی کمپنی کی 8ارب روپے کی نادہندہ ہے اس کے علاوہ 100سے زائد کمپنیوں نے بھی اشیاءخردونوش کی ترسیل بند کر دی ہے۔جس کے بعد یوٹیلٹی اسٹورز کارپوریشن نے حکومت کی جانب سے 2ارب روپے کے اعلان کا پیکج میں سے 75 فیصد رقم پیشگی مانگ لی ہے۔

 

وفاتی حکومت نے رمضان میں شہریوں کو تکلیف سے بچانے کے لیے رمضان میں اسٹورز کو سپلائی بحال کروانے کے لیے رقم دینے کی یقین دہانی کی ہے۔یاد رہے کہ حکومت پاکستان نے رمضان میں شہریوں کو رلیف دینے کے لیے یوٹیلٹی سٹورز کو 2 ارب روپے کا پیکج دینے کا اعلان کیا تھا جس میں سے اب 75 فیصد رقم پیشگی دی جارہی ہے۔