جمعہ, 07 مئی 2021


میں وزیراعظم کے لیے جواب دہ نہیں ہوں

اسلام آباد: پی ٹی آئی رہنما اور وزیر صحت پنجاب یاسمین راشد بلاول سے متعلق بیان پر وزیراعظم کی حمایت میں بول پڑیں۔
 
گزشتہ روز وانا میں جلسے سے خطاب کرتے ہوئے وزیراعظم عمران خان نے چیئرمین پیپلز پارٹی بلاول بھٹو کو تنقید کا نشانہ بناتے ہوئے ’صاحبہ‘ کہہ کر مخاطب کیا تھا۔
 
وزیر صحت پنجاب یاسمین راشد سے اس سے متعلق صحافی نے سوال کیا تو انہوں نےکہا کہ میں وزیراعظم کے لیے جواب دہ نہیں ہوں، مجھے ان کے تبصرے کے حوالے سے بھی کچھ نہیں معلوم تو مجھے اس کی مذمت کیوں نہیں کرنی چاہیے۔
 
ان کا کہنا تھا کہ وزیراعظم نے جو کہا وہ خود وضاحت کریں گے میں اس بارے میں کچھ نہیں کہہ سکتی، میں اس حوالے سے آگاہ نہیں کہ انہوں نے یہ (صاحبہ) کس حوالے سے کہا ہے کیا ان کی زبان سے پھسل گئی تھی۔؟
 
وزیر صحت نے مزید کہا کہ میں ماضی میں بے نظیر بھٹو کی سپورٹر تھی لیکن بلاول پر والد آصف علی زرداری کا اثر ہوگیا ہے وہ اسمبلی میں جو بھی بولتے ہیں والد اور اپنے آپ کو محفوظ کرنے کے لیے بولتے ہیں کیونکہ نیب ان کے اور پھوپھی کے پیچھے پڑا ہے۔

پرنٹ یا ایمیل کریں

Leave a comment