اسلام آباد ائر پورٹ پر کسٹم عملے کی کارروائی کے دوران غیر ملکی کرنسی دبئی اسمگل کرنے کی کوشش ناکام بناتے ہوئے ملزم کو گرفتار کر لیا گیا۔ کسٹم حکام کے مطابق بونیر کا رہائشی ذاکر محمد پی آئی اے کی پرواز 211 کے ذریعے دبئی جا رہا تھا ۔ چیکنگ کے دوران ملزم کے قبضہ سے 37 ہزار سعودی ریال اور 37 ہزار 500 اماراتی درہم برآمد ہوئے ۔ کسٹم عملے نے غیر ملکی کرنسی قبضے میں لے کر ملزم کو گرفتار کرلیا جس سے مزید تفتیش جاری ہے۔