جمعرات, 21 جنوری 2021


قطر کا دولت اسلامیہ کو امداد فراہم کرنے سے انکار-

ایمز ٹی وی (فارن ڈیسک) قطر میں سختی سے اس بات کی تردید کر دی گئی ہے کےان کا ملک شام میں دولت اسلامیہ جیسے کسی بھی دہشت گرد تنظیم کی مدد کر رہا ہے۔قطر نے مزید کہا کہ نھوں نے امریکی خفیہ ایجنسی سی آئی اے اور دوسری مغربی اور عرب انٹیلیجنس ایجنسیوں کے ساتھ مل کر صرف معتدل جنگجوؤں کو امداد دی ہے۔اس کے ساتھ انھوں نے کہا کہ مالی تعاون پر سختی کے ساتھ کنٹرول جاری ہے-قطر کے بارے میں یہ خیال بھی ظاہر کیا جاتا ہے کہ اس کے القاعدہ سے منسلک جماعت النصرت فرنٹ سے روابط ہیں۔
لیکن قطر کی انٹیلیجنس کے ڈائریکٹر سمیت دیگر حکام کا کہنا ہے کہ قطر کے پاس شام کے صدر بشار الاسد کی حکومت کے خلاف لڑنے والی جماعتوں کی حمایت کے متعلق کچھ چھپانے کے لیے نہیں ہے-ان کا کہنا ہے کہ سنہ 2012 میں شام کے متعلق پالیسی کی ذمہ داری جب قطر کی انٹیلیجنس نے لی تو اس کے بعد سے مالی کنٹرول لایا گیا - اور مالی امداد کرنے والے کئی مشتبہ افراد کو فرگتار کیا گیا۔

پرنٹ یا ایمیل کریں

Leave a comment