اتوار, 15 ستمبر 2019


شہدااور غازیوں نے جنگ ستمبر میں شجاعت کی ولولہ انگیز تاریخ رقم کی

 
 
 
 
اسلام آباد : معاون خصوصی برائے اطلاعات فردوس عاشق اعوان نے کہا شہدااور غازیوں نے جنگ ستمبر میں شجاعت کی ولولہ انگیز تاریخ رقم کی، راشدمنہاس اورایم ایم عالم دنیا میں پاک فضائیہ کی جرات کی علامت ہیں ،پوری قوم اپنے قابل فخر شاہینوں کو سلام پیش کرتی ہے۔
 
معاون خصوصی برائے اطلاعات فردوس عاشق اعوان نے یوم فضائیہ کے موقع پر سماجی رابطے کی ویب سائٹ ٹوئیٹر پر اپنے بیان میں کہا یوم فضائیہ اپنے شاہینوں کی بہادری اور جانبازی یاد دلاتا ہے، شاہینوں نے کئی گنا بڑے دشمن کو جذبہ ایمانی سے مار بھگایا، راشد منہاس اور ایم ایم عالم دنیا میں پاک فضائیہ کی جرات کی علامت ہیں، قوم اپنے قابل فخر شاہینوں کو سلام پیش کرتی ہے۔
 
 
یوم فضائیہ ہمیں اپنے شاہینوں کی بہادری اور جانبازی یاد دلاتا ہے جنہوں نے کئی گنا بڑے دشمن کو جذبہ ایمانی سے مار بھگایا۔راشد منہاس اور ایم ایم عالم دنیا میں پاک فضائیہ کی جرآت کی علامت ہیں۔ پوری قوم اپنے قابل فخر شاہینوں کو سلام پیش کرتی ہے۔
 
 
،فردوس عاشق اعوان کا کہنا تھا کہ قوم نے ولولے، اتحاد اور جذبے سے یومِ دفاع کشمیریوں کے ساتھ بطور یکجہتی منایا، شہدا اور غازیوں کو خراجِ عقیدت پیش کرتے ہوئے اخوت کا جذبہ دیکھنے میں آیا، شہدااور غازیوں نے جنگ ستمبر میں شجاعت کی ولولہ انگیز تاریخ رقم کی۔
 
 
قوم نے جس ولولے، اتحاد اور جذبے سے یومِ دفاع بہادر کشمیریوں کے ساتھ یکجہتی کے طور پر منایا، وہ بےمثال ہے۔ شہداء اور غازیوں کو خراجِ عقیدت پیش کرتے ہوئے قوم کی اخوت کا متاثر کن جذبہ دیکھنے میں آیا۔ شہدا اور غازیوں نے جنگ ستمبر میں جرات اور شجاعت کی ولولہ انگیز تاریخ رقم کی۔
 
 
کشمیر کے حوالے سے ایک اور ٹوئٹ میں معاون خصوصی نے کہا جموں کشمیر کے عوام کے جائز قانونی حق کی حمایت اور سچے جذبوں کے اظہار پر پاکستانیوں کو سلام پیش کرتے ہیں، یہ جذبے زندہ قوموں کی علامت اور شان ہوتے ہیں، پاکستان کو ناقابل تسخیر قوت بنانے کیلئے ہم نے اتحاد اور یکجہتی کی اسی فضاء کو آگے لیکر بڑھنا ہے۔
 
 
جموں کشمیر کے عوام کے جائز قانونی حق کی حمایت اور سچے جذبوں کے اظہار پر پاکستانیوں کو سلام پیش کرتے ہیں۔ یہ جذبے زندہ قوموں کی علامت اور شان ہوتے ہیں۔ پاکستان کو ناقابل تسخیر قوت بنانے کیلئے ہم نے اتحاد اور یکجہتی کی اسی فضاء کو آگے لیکر بڑھنا ہے۔
 
 
 
خیال رہے ملک بھر میں ائیرفورس کے شہیدوں اورغازیوں کوخراج عقیدت پیش کرنے کے لیے آج یوم فضائیہ ملی جوش وجذبے سے منایا جا رہا ہے۔

پرنٹ یا ایمیل کریں

Leave a comment