اسلام آبا: اسلام آباد سمیت ملک کے بالائی علاقوں میں چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق آئندہ 24 گھنٹوں کے دوران راولپنڈی ، اسلام آباد مالاکنڈ، ہزارہ، پشاور، کوہاٹ ، مردان، راولپنڈی، سرگودھا ڈویژن، کشمیر اور گلگت بلتستان میں چند مقامات پر تیز ہوائوں اور گرج چمک کے ساتھ بارش کا امکان ہے۔

 

  گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا تاہم راولپنڈی ڈویژن اور اسلام آبادمیں چند مقامات پر بار ش ہوئی۔ سب سے بارش پنجاب میں اسلام آباد (ایئر پورٹ 45، بوکرہ 14، گولڑہ 02)، منگلہ02، راولپنڈی (شمس آباد، چکلالہ 01)، خیبرپختونخوا میں چراٹ 04 ملی میٹر بارش ریکارڈکی گئی۔ جمعہ کو سب سے زیادہ درجہ حرارت سبی 44، بھکر 42 اور لیہ میں 41 ڈگری سینٹی گریڈ ریکارڈ کیا گیا۔