اتوار, 15 دسمبر 2019


نوازشریف کانام ای سی ایل سےنکالےجانےکافیصلہ آج ہوگا

 اسلام آباد:نوازشریف کا نام ای سی ایل سے نکالا جائے یا نہیں، اس بارے میں کابینہ کی ذیلی کمیٹی آج فیصلہ کرے گی۔

گزشتہ روز وزیر قانون فروغ نسیم کی زیرصدارت وفاقی کابینہ کی ذیلی کمیٹی کا اجلاس ہوا تھا جوبے نتیجہ رہا، طویل اجلاس کے بعد بھی نواز شریف کا نام ای سی ایل سے نکالنے کا فیصلہ نہیں ہوسکا تھا تاہم اس بارے میں کابینہ کی ذیلی کمیٹی آج فیصلہ کرے گی۔

کابینہ کی ذیلی کمیٹی نے نیب کوآج صبح تک جواب جمع کرانے کی ہدایت کی ہے جب کہ ن لیگ بھی اپنے مؤقف میں کسی تبدیلی کے بارے میں آگاہ کر سکتی ہے۔

واضح رہے کہ گزشتہ روز وفاقی کابینہ نے سابق وزیر اعظم نواز شریف کو علاج کے لیے بیرون ملک جانے کی مشروط اجازت دینے کی منظوری دی تھی تاہم سابق وزیراعظم نے ای سی ایل سے نام نکالنے کے معاملے پر حکومتی شرائط تسلیم کرنے سے انکار کردیا تھا۔

پرنٹ یا ایمیل کریں

Leave a comment