اتوار, 20 جون 2021


آج سےملک کےتمام تعلیمی ادارےکھول دیئے گئے

اسلام آباد: ملک میں کورونا کیسز کی کمی کے بعد تمام تعلیمی ادارے کھول دیئے گئے۔

ذرائع کے مطابق ملک بھر میں کورونا کیسز کی کمی کے بعد لاک ڈاؤن میں نرمی کردی گئی ہے، اور این سی او سی کے فیصلوں کی روشنی میں آج سے ملک کے تمام تعلیمی ادارے کھول دیئے گئے ہیں، تاہم کورونا ایس او پیز پر عملدرآمد پر کوئی سمجھوتہ نہیں کیا جائے گا، طویل عرصے کے بعد اسکولز کھلنے سے والدین بھی خوش ہوگئے ہیں۔

اسکولوں میں سخت ترین ایس او پی پر عمل کیا جارہا ہے، طلبہ کے لئے ماسک، ہینڈ سینی ٹائزر کی پابندی اور سوشل ڈسٹنس پر بھی عملدرآمد ہوگا، مختلف تعلیمی اداروں میں مین گیٹ پر داخلے کے وقت ہی طلبا کا بخار چیک کیا جارہا ہے، طلبا کے بغل گیر ہونے، مصافحہ، معانقہ اور ہاتھ ملانے کا منع کیا گیا ہے، اساتذہ نان ٹیچنگ اسٹاف و ملازمین کے لئے بھی ماسک لازم قرار دیا گیا ہے، جب کہ این سی او سی کی جانب سے تدریسی اور غیر تدریسی عملے کے لئے کورونا ویکسینیشن لازمی قرار دیا گیا ہے۔

پرنٹ یا ایمیل کریں

Leave a comment