جمعرات, 28 اکتوبر 2021


جامعہ اردواسلام آبادکےملازمین کی تنخواہیں اگلےہفتےاداکردی جائینگی

اسلام آباد: جامعہ اردو اسلام آباد کے ملازمین کو بروقت تنخواہیں نہ ملنے اور اس سے پیدا شدہ صورتحال کے حل کے لئے نگران دفتر شیخ الجامعہ اور ڈپٹی چیئراے کیو خلیل کے طلب کرنے پر کراچی میں ملاقات کی اور طویل بات چیت کے بعد مالیاتی امور کا تفصیلی جائزہ کے بعدفیصلہ کیا گیا کہ اسلام آباد کے ملازمین کی تنخواہیں اگلے ہفتے ادا کردی جائینگی۔

ڈپٹی چیئر نے اساتذہ و عمّال کو ہدایت کی کہ وہ ادارے کے معاملات کو اعلیٰ حکام اور اخبارات کی زینت بنانے کے بجائے تبادلہ خیال سے معاملات کے حل کو ترجیح دیں اور افسران میں یہ صلاحیت ہونی چاہیے کہ وہ بحران پیدا ہی نہ ہونے دیں اور اگر باوجود پیچیدہ صورتحال پیدا بھی ہو جائے تو اپنی بہترین صلاحیتوں کا استعمال کرکے باہمی افہام و تفہیم سے حل کریں۔

جامعہ اردوکےملازمین کاسراپااحتجاج

انھوں نے کہا کہ یہ دیرینہ مسائل 2016 سے چل رہے ہیں ہم نے ایچ ای سی کو گرانٹ بڑھانے اور ہنگامی گرانٹ کی درخواستیں بھی دیں جو نا منظور کردی گئیں۔

انھوں نے کہا کووڈ19 اور کئی اور وجوہات کی بنیاد پر بجٹ کی آمدنیاں متاثر ہوئیں کراچی اور اسلام آباد کے ملازمین ایک جیسی صورتحال کا سامنا کررہے ہیں کراچی کو تنخواہ اسلام آباد کی تنخواہیں روک کر جاری نہیں کی گئیں یہ غلط فہمی مذموم مقاصد کے لئے پیدا کی جارہی ہیں ہمارے لئے تمام ملازمین برابر ہیں انکے جائز حقوق کے لئے ہر ممکن مدد فراہم کی جائیگی۔

وفد میں اسلام آباد کے کیمپس انچارج ڈاکٹر عامر ندیم اور اکاونٹس آفیسر حماد کیانی شامل تھے جنہوں نے معاملات کے حل پر اطمینان کا اظہار کیا اور یقین دلایا کہ وہ مل جل کر ادارے کی بہتری کے لئے کام کریں گے۔

پرنٹ یا ایمیل کریں

Leave a comment