ایمز ٹی وی(اسلام آباد) ایل پی جی کی قیمت میں ایک ہفتے میں دوسری دفعہ دس روپے فی کلو اضافہ کیا گیا ہے۔ جس کے بعدایل پی جی کی قیمت پچانوے روپے فی کلو ہو گئی ہے۔حکومت کی جانب سے ایل پی جی کی قیمت بڑھنے سے گھریلو سلنڈر کی قیمت ایک سو بیس روپے جبکہ کمرشل سلنڈر کی قیمت میں چار سو اسّی روپے کا اضافہ ہوا ہے۔ آل پاکستان ایل پی جی ڈسٹری بیوٹرز ایسوسی ایشن کے چیئر میں عرفان کھوکھر کا کہنا ہے کہ ایل پی جی ڈسٹری بیوٹرز ایسوسی ایشن نے اپنی مرضی سے ایک ہفتے میں دو مرتبہ ایل پی جی کی قیمت میں اضافہ کیا ہے اور اس پر اوگرا کی خاموشی افسوسناک ہے۔