ایمزٹی وی(اسلام آباد) چیف آف آرمی سٹاف جنرل راحیل شریف کے نام سے پہلی مسجد قائم کردی گئی۔ تفصیلات کے مطابق غوری ٹاﺅن فیز تھری میں چیف آف آرمی سٹاف جنرل راحیل شریف کے نام سے پہلی مسجد قائم کردی گئی، یہ پاکستان میں پہلا واقعہ ہے کہ کسی بھی حاضر سروس آرمی چیف کے نام سے مسجد قائم کی گئی ہے.مسجد منتظمین نے کہا ہے کہ جنرل راحیل شریف ملک میں دہشت گردی ،قبضہ مافیا، لینڈ مافیا اور کرپشن کے خلاف ایک جرات مندانہ کرداربن چکے ہیں اس لیے ان کے نام سے مسجد قائم کی ہے. مسجد و مدرسہ کے لئے تحریک نجات قبضہ مافیا کے چیئرمین محمد صفدر کھوکھر نے دو کنال کا پلاٹ وقف کیا ہے، مسجد اور مدرسے کے سنگ بنیاد کی تقریب کے موقع پر معروف عالم دین مولانا عبدالسبوح ہاشمی نے دعا کروائی۔