جمعرات, 29 اکتوبر 2020


ساںحہ صفورہ میں ملوث ملزموں کی شناخت ہوگئی

ایمزٹی وی(اسلام آباد)آئی جی سندھ غلام حیدر جمالی نے کہا ہے کہ سانحہ صفورا کے 14 ملزمان کی شناخت ہوگئی ہے۔ سینیٹ کی قائمہ کمیٹی برائے داخلہ کو بریفنگ دیتے ہوئے ان کا کہنا تھا کہ سانحہ صفورا میں 25 رکنی گینگ ملوث تھاجن میں سے 14 ملزمان کی شناخت ہوگئی ہے۔سانحہ صفورا گوٹھ سمیت 37 اہم وارداتوں کے ملزمان کو گرفتار کرلیا گیا ہے کراچی میں پکڑے جانے والے گروہ سے اہم معلومات ملی ہیں جس کی بنا پر کارروائیاں کی جارہی ہیں۔ غلام حیدر جمالی نے سینیٹر رحمن ملک کی سربراہی میں ہونے والے اجلاس کے روبرو مؤقف اپنایا کہ گروہ کا سربراہ کوٹری حیدر آباد کا عبدالعزیزنامی دہشتگرد ہے جس کا تعلق القاعدہ سے ہے جبکہ گزشتہ ایک سال سے داعش کیلئے کام کررہا ہے۔دہشتگرد نے اعلیٰ تعلیم یافتہ افراد کو گروہ میں شامل کرنے کی منصوبہ بندی کررکھی ہے۔ قائمہ کمیٹی کے اجلاس میں سینیٹر شاہی سیداورسینیٹر مختار عاجز دھامرابھی شامل ہیں۔

پرنٹ یا ایمیل کریں

Leave a comment