بدھ, 21 اکتوبر 2020


غیر ملکی کمپنیوں کو انشورنس پریمیم کی ادئیگیوں پر غور

ایمزٹی وی(اسلام آباد) ایف بی آر نے پاک چین اکنامک کوریڈرو کے تحت توانائی منصوبوں کیلئے چینی کمپنی سائنوشور کو پریمیم کی ادائیگی پر رعایتی ٹیکس سے چھوٹ دینے سے انکار کردیا۔ذرائع کے مطابق ایف بی آر نے وزارت منصوبہ بندی اور وزارت پانی و بجلی کو آگاہ کیا ہے کہ غیرملکی کمپنیوں کو انشورنس پریمیم کی ادائیگی پر انکم ٹیکس کی چھوٹ حاصل ہے نہ ایسی کوئی تجویز زیر غور ہے علاوہ ازیں ایف بی آرکی جانب سے اقتصادی راہداری پروگرام کے تحت جاری ترقیاتی منصوبوں میں رکاوٹیں ہٹانے سے متعلق منعقدہ اجلاس کے شرکاء کو بتایاگیاکہ پاکستان میں کام کرنے والی کمپنیوں کی جانب سے کسی بھی غیرملکی کمپنی کو انشورنس پریمیم کی ادائیگیوں پر انکم ٹیکس لاگو ہے تاہم غیرملکی کمپنیوں کیلئے رعایتی شرح 5فیصد ہےجبکہ وزارت پانی و بجلی کی جانب سے ایف بی آر سے درخواست کی گئی ہے کہ سائنو شور کو پریمیم کی ادائیگی پر انکم ٹیکس چھوٹ دی جائے تاکہ توانائی منصوبوں کیلیے فنڈز کے اجرا میں تیزی آسکے تاہم اس معاملے کا مزید جائزہ لے کر حتمی فیصلہ کیا جائیگا جس کے تحت اگر ٹیکس چھوٹ دیناپڑی تو ای سی سی سے منظوری لی جائیگی۔

پرنٹ یا ایمیل کریں

Leave a comment