بدھ, 21 اپریل 2021


وزیراعظم کی زیر صدارت انسداد پولیو کی اسٹیئرنگ کمیٹی کا اجلاس جاری

ایمز ٹی وی (اسلام آباد) وزیراعظم نواز شریف کی زیر صدارت انسداد پولیو کی اسٹیئرنگ کمیٹی کا اجلاس وزیراعظم ہاؤس میں جاری ہے جس میں چاروں صوبوں کے وزراءاعلی، وفاقی وزرا سمیت عالمی اداروں کے حکام بھی شریک ہیں، جو ملک سے پولیو کے مکمل خاتمے کے حوالے سے انسداد پولیو کی اسٹیرئنگ کمیٹی کو بریفنگ دے رہے ہیں۔ اس موقع پروزیراعظم کا کہنا تھا کہ دوسرے ملکوں کی نسبت پاکستان میں پولیو مہم میں مشکلات ہیں جس کا خاتمہ قومی ذمہ داری ہے اوراس کے لئے تمام اقدامات کریں گے، پاکستان کا ہربچہ عزیز ہے اور کسی کو معذور نہیں دیکھ سکتا۔ انہوں نے کہا کہ پولیو کے خاتمے میں غفلت کو جرم سمجھتا ہوں اس لئے صوبے پولیو کے خاتمے کے لئے موثر اقدامات کریں اور ہم نے پولیو کے خلاف لڑائی ہر حال میں جیتنی ہے جبکہ پاکستان ایک ذمہ دار ملک ہے اس لئے اس مہم کی خود نگرانی کر رہا ہوں۔ اجلاس کے دوران وزیراعلی پنجاب شہباز شریف، وزیراعلی سندھ قائم علی شاہ، وزیراعلی بلوچستان ڈاکٹرعبدالمالک بلوچ اور وزیراعلی خیبرپختونخوا پرویزخٹک شریک ہیں جبکہ اجلاس میں عالمی اداروں اور تنظیموں کے حکام بھی شریک ہیں۔

پرنٹ یا ایمیل کریں

Leave a comment