ایمزٹی وی(اسلام آباد) جما عت اہلسنت کے زیرِ اہتمام عالمی قرآن کانفرنس 7 دسمبر کو منعقد ہوگی۔ ذرائع کے مطابق جماعت اہلسنت نے عالمی کانفرنس کے انتظامات کو حتمی شکل دینا شروع کردی ہے۔جماعت اہلِ سنت پاکستان کے ڈویژنل جنرل سیکرٹری صاحبزادہ محمد عثمان غنی نے عالمی کانفرنس کے حوالے سے پریس کانفرنس سے گفتگو کرتے ہوئے کہا کہ عالمی قرآن کانفرنس میں پاکستان سمیت دنیا بھر جید علما شریک ہونگے۔ اس موقع پر کانفرنس کمیٹی کے ممران علامہ حافظ محمدقاسم شیخ، مفتی لیاقت علی، علامہ سید رضاالمصطفٰی بخاری، علامہ رضوان انجم، علامہ میاں حامد رضااور حافظ وقار رشید بھی موجود تھے۔ اس حوالے سے صاحبزادہ عثمان غنی کا کہنا تھا کہ کانفرنس ادارہ تعلیمات ِاسلامیہ میں منعقد ہوگی جو نمازِ مغرب کے بعد شروع ہوگی کانفرنس کے دو سیشن ہونگے جبکہ " آﺅ قرآن سیکھیں" مہم کے دوران ترجمہ قرآن پڑھنے اور سیھکنے والے شرکاکواسناد بھی دی جائیں گی۔