ایمزٹی وی(اسلام آباد) پاکستان اورچین کی اسپیشل سروسز گروپ کی انسداد دہشت گردی کےحوالےسےمشترکہ مشقیں یو آئی فائیوچین کے شہرچنگ ٹان جیا میں شروع ہو گئیں ہیں۔ آئی ایس پی آرکے مطابق پاکستان اور چین کی اسپیشل فورسز کی مشترکہ مشقیں سخت موسم والے چین کے علاقے چنگ ٹان جیا میں شروع ہو گئی ہیں، مشقوں کی افتتاحی تقریب میں چین کی پیپلزلبریشن آرمی اور پاکستان کی اسپیشل فورسز کے سینئر عسکری حکام نے شرکت کی۔اس موقع پردونوں ممالک کا قومی ترانہ بجایا گیا۔ آئی ایس پی آر کے مطابق مشقیں 2015 دوستی کے سال کے تحت ہورہی ہیں جن کامقصد انسداد دہشتگردی آپریشنز ہیں، مشقوں میں ہاسٹیج ریسکیواورسرچ اپریشن سے متعلق کارروائیوں کی تربیت دی جائے گی۔