ایمز ٹی وی(اسلام آباد) پاکستان نے دہشت گردی کے خلاف سعودی عرب کی سربراہی میں بننے والے 34 ممالک پر مشتمل اسلامی فوجی اتحاد میں شمولیت کی تصدیق کردی ہے۔ اسلام آباد میں صحافیوں کو ہفتہ وار پریس بریفنگ دیتے ہوئے ترجمان دفتر خارجہ قاضی خلیل اللہ کا کہنا تھا کہ دہشتگردی کے خلاف علاقائی اور عالمی کوششوں کو سراہتے ہیں جب کہ پاکستان اور سعودی عرب دہشت گردی سمیت مختلف شعبوں میں شراکت دار ہیں۔ ان کا کہنا تھا کہ 34 ملکی اتحاد کا خیرمقدم دہشت گردی کے خلاف موقف کے باعث کیا تاہم اتحاد کے حوالے سے مزید تفصیلات کا انتظار ہے جس کے بعد اس بات کا فیصلہ کریں گے کہ سعودی اتحاد میں کس حد تک شامل ہوں گے۔