ایمزٹی وی(اسلام آباد)پاک فضائیہ نے ملکی حفاظت کیلئے ایک اور سنگ میل طے کر لیا ، پاک فضائیہ کے افسروں سمیت 226 جوانوں نے انسداد دہشتگردی کورس مکمل کر لیا۔ پاک فضائیہ کے 60 افسران اور 166 ایئر مین گریجویٹس سمیت 226 اہلکاروں نے انسداد دہشتگردی کورس مکمل کر لیا جن میں پانچ خواتین افسران بھی شامل ہیں۔ تربیت مکمل کرنے والے افسران اور جوان میں تقسیم اسناد کی تقریب پی اے ایف اسپیشل سروسز ونگ کلر کہار میں ہوئی ۔ تربیت مکمل کرنے والے افسران اور جوانوں نے عملی مشقوں، فائرنگ کا مظاہرہ کرتے ہوئے اہداف کو کامیابی کے ساتھ حاصل کیا.اس دوران ایئرچیف سہیل امان کا کہنا تھا کہ اگر جنگ مسلط کی گئی تو دشمن کو بھرپور جواب دینے کی صلاحیت رکھتے ہیں ۔ تقریب کے اختتام پر پاک فضائیہ کی اسکائی ڈائیونگ ٹیم شاہ پر نے12000فٹ کی بلندی سے فری فال ڈائیونگ کا مظاہرہ بھی پیش کیا۔ تربیتی کورس میں نمایاں کارکردگی پر افسران اور جوانوں کو ٹرافی اور اسناد سے نوازا گیا۔