بدھ, 21 اپریل 2021
×

Warning

JUser: :_load: Unable to load user with ID: 46


چین کے ساتھ انیس مختلف منصوبوں پر دستخط -وزیر اعظم نواز شریف

ایمز ٹی وی (فارن ڈیسک )وزیر اعظم نواز شریف چین کے دورے پر ہیں جہاں چین اور پاکستان کےدرمیان دو طرفہ معاہدوں پر دستخط ہوئے ان میں کوئلے کی کان کنی، ہائیڈرو پاور پراجیکٹس، کوئلے سے بجلی پیدا کرنے کے معاہدے، اور شمسی توانائی کے معاہدے شامل ہیں۔ اس کے علاوہ اقتصادی اور فنی تعاون کے معاہدے ہوئے۔ جن میں انیس دو طرفہ معاہدوں کی مالیت چار ارب ڈالر ہے۔ ان معاہدوں میں سے34ارب ڈالر توانائی اور متعلقہ منصوبوں جبکہ 11 ارب ڈالر بنیادی ڈھانچے کی ترقی کے منصوبوں پر خرچ ہوں گے۔ وزیر اعظم پاکستان میاں نواز شریف نے کہا کہ ان کا چین کا دورہ پاکستان میں بجلی کے بحران کو حل کردے گا۔ ان کا کہنا تھا کہ حکومت بجلی کے بحران کو مستقل طور پر حل کرنا چاہتی ہے۔ میاں نواز شریف نے کہا کہ پاکستان چین معاشی راہداری پراجیکٹ خطے کی قسمت بدل دے گا۔ انھوں نے امید ظاہر کی کہ نئے پراجیکٹس سے ترقیاتی کاموں میں تیزی آئے گی۔ وزیر اعظم ایشیا اور بحرالکاہل اقتصادی تعاون کے اجلاس میں شرکت کے لیے چین گئے ہوئے ہیں اپنے دورے میں رائی کوٹ سے اسلام آباد تک 440 کلومیٹر طویل قراقرم ہائی وے دوم کی تعمیر، کراچی لاہور موٹر وے، حویلیاں ڈرائی پورٹ، کراس بارڈر آپٹیکل فائبر کیبل سمیت دیگر معاہدے بھی کریں گے۔ بجلی کے منصوبوں کی تعمیر کا تجربہ رکھنے والے ڈاکٹر ثمر مبارک مند کہتے ہیں کہ ان منصوبوں میں سب سے اہم نکتہ ان بجلی گھروں کو ایندھن کی فراہمی ہے: ثمر مبارک مند کے مطابق اپنے لیے ضرورت کی بجلی پیدا کرنے کے لیے بجلی گھر تو پاکستان میں پہلے بھی موجود ہیں، اصل مسئلہ ایندھن کا ہے جو نہ پہلے سے نصب شدہ بجلی گھروں کے لیے دستیاب ہے اور نہ نئے بجلی گھروں کے لیے دستیاب ہو گا۔

پرنٹ یا ایمیل کریں

Leave a comment