×

Warning

JUser: :_load: Unable to load user with ID: 45
 Print this page

وزیر اعظم نے بجلی بحران ختم کرنے کی تاریخ کا اعلان کردیا

ایمز ٹی وی (اسلام آباد)وزیر اعظم میاں محمد نواز شریف نے پارلیمنٹ ہائوس میں سولر پاور پر منتقل کرنے کے منصوبے کا افتتاح کر دیا ، منصوبہ چین کے تعاون سے تیار کیا گیا ہے ۔ افتتاحی تقریب میں چیئرمین سینیٹ رضا ربانی ،سپیکر قومی اسمبلی سردار ایاز صادق بھی تقریب میں موجود تھے ۔ وزیر اعظم نے خطاب کے دوران کہا کہ پارلیمنٹ کے علاوہ نیشنل گرڈ کو بھی بجلی فرایہم کی جائے گی ۔ انہوں نے کہا کہ سپیکر قومی اسمبلی اور چیئرمین سینیٹ نے جو مثال قائم کی ہے اس کی تقلید کی جانی چاہیئے ، انہوں نے کہا کہ اسمبلی میں پورے ملک کے نمائندے بیٹھتے ہیں اور میری کوشش ہے کہ اپنے دور اقتدار میں بجلی کے بحران کا خاتمہ کر دیا جائے ، انہوں نے کہا کہ بجلی کے حوالے سے بہت سے منصوبے زیر تکمیل ہیں ، وزیر اعظم نے کہا کہ چین کے تعاون سے بجلی کے بحران پر قابو پانے کی کوشش کر رہے ہیں ، اور 2018 تک ملک سے بجلی کے بحران کا مکمل خاتمہ کر دیا جائے گا ، وزیر اعظم نے کہا کہ پاکستان کی ترقی میں چین کی دوستی کا بہت بڑا ہاتھ ہے ، مجھے خوشی ہے کہ پارلیمنٹ ہائوس نے اپنی بجلی پیدا کر کے خود کفالت کی مثال قائم کی ہے جو خوش آئند ہے ، ہم سب کو اس کی تقلید کرنا ہوگی ۔

پرنٹ یا ایمیل کریں