ھفتہ, 31 اکتوبر 2020


حکومت نےاپوزیشن جماعتوں کو ٹف ٹائم دینے کافیصلہ کرلیا

ایمزٹی وی (اسلام آباد) وزیراعظم نواز شریف کی زیرصدارت حکومتی اتحادی مل بیٹھے اور اپوزیشن کے ٹی او آرز کو مسترد کر دیا۔ اپوزیشن سے مذاکرات اور متفقہ ٹی او آرز کا اختیار وزیرا عظم کو دے دیا گیا۔ وزیر اعظم کی زیر صدارت اجلاس میں مولانا فضل الرحمان، محمود خان اچکزئی، حاصل بزنجو، ساجد میر، اکرم درانی ، اعجاز الحق اور وفاقی وزراءشریک ہوئے۔ اتحادی جماعتوں کو اپوزیشن کے ٹی او آرز پر اعتماد میں لیا گیا۔ اجلاس کے بعد میڈیا سے گفتگو کرتے ہوئے مولانا فضل الرحمان کا کہنا تھا کہ اپوزیشن کے ٹی او آرز پر تحفظات ہیں کیونکہ وہ آئین اور قانون سے مطابقت نہیں رکھتے۔ جمعیت علما اسلام کے سربراہ کا کہنا تھا کہ وزیر اعظم کے استعفے کی باتیں تحقیقات سے وابستہ ہیں۔ اپوزیشن تضادات کا شکار ہے اور عوام میں کنفیوژن پیدا کر رہی ہے۔ حکومت نے پاناما لیکس کے معاملے پر اتحادیوں کا سہارا لے لیا اور اب اپوزیشن کو مذاکرات کے ساتھ ٹف ٹائم دینے کا فیصلہ کر لیا گیا ہے

پرنٹ یا ایمیل کریں

Leave a comment