اتوار, 15 دسمبر 2019
×

Warning

JUser: :_load: Unable to load user with ID: 46


بھارت پاکستان پر بے بنیاد الزامات لگانے سے گریز کرے، تسنیم اسلم

ایمز ٹی وی (اسلام آباد) دفتر خارجہ میں ہفتہ وار پریس بریفنگ کے دوران تسنیم اسلم کہنا تھا کہ پاکستان ہر قسم کی دہشت گردی کی مذمت کرتا ہے، اس حوالے سے بھارتی وزیر داخلہ کے الزامات بے بنیاد ہیں، بھارت کو اس قسم کے بے بنیاد الزامات لگانے سے گریز کرنا چاہیے کیونکہ بے بنیاد الزامات کسی بھی مسئلے کے حل میں مثبت اثرات مرتب نہیں کرسکتے۔ پاکستان پورے خطے کی ترقی کے لئے پڑوسی ممالک سے امن چاہتا ہے لیکن ہمسایوں سے تعلقات برابری کی بنیاد پر ہوتے ہیں اور پاکستان بھارت کے ساتھ برابری کی بنیاد پر اچھے تعلقات کا حامی ہے۔ ان کا کہنا تھا کہ پاکستان ایک ذمہ دار ملک ہے، اسی وجہ سے وہ سارک کی مختلف ذیلی تنظیموں میں بڑھ چڑھ کر حصہ لیتا ہے۔ اس حوالے سے 18 ویں سربراہی کانفرنس کے میزبان ملک نیپال نے بھی پاکستان کے کردار کو سراہا ہے۔ وزیراعظم نواز شریف نے سارک اجلاس کے دوران اپنے خطاب میں ہتھیاروں کی دوڑ کے بجائے عوام کی فلاح و بہبود کے لئے اقدامات پر زور دیا ہے۔ اس کے علاوہ کانفرنس کے دوران انہوں نے تنظیم کے 6 رکن ممالک کے سربراہان سے الگ الگ ملاقاتیں بھی کی ہیں تاکہ باہمی تعاون کو فروغ دیا جاسکے۔

پرنٹ یا ایمیل کریں

Leave a comment