Print this page

پی ٹی آئی اور عوامی تحریک ایک بار پھرایک ساتھ

ایمزٹی وی(آسلام آباد)پاکستان تحریک انصاف نے عوامی تحریک کے احتجاج کی حمایت کردی، ترجمان پی ٹی آئی نعیم الحق کہتے ہیں کہ نہتے کارکنوں کے قاتلوں کو سزائیں دلوانے کے لئے پر امن احتجاج کی مکمل حمایت کریں گے۔ ترجمان تحریک انصاف نعیم الحق نے اپنے ایک بیان میں بتایا کہ چئیرمین عمران خان کی زیر صدارت پارٹی کی سینئر قیادت کا اجلاس ہوا، جس میں عوامی تحریک کے احتجاج کی حمایت کا فیصلہ کیا گیا ہے، ان کا کہنا تھاکہ ماڈل ٹاؤن میں پنجاب حکومت نے پولیس کی مدد سے بربریت کی تاریخ رقم کی ،سانحہ ماڈل ٹاؤن کے ذمہ داروں کو کٹہرے کی بجائے کابینہ میں ساتھ بٹھایا گیا، تحریک انصاف عوامی تحریک کے احتجاج میں اپنا نمائندہ وفد بھیجے گی۔ نعیم الحق کا کہنا تھا کہ حکومت سے سانحہ ماڈل ٹاؤن پر جسٹس باقر کی رپورٹ فی الفور شائع کرنے کا بھی مطالبہ کرتےہیں

پرنٹ یا ایمیل کریں