ایمز ٹی وی (خیبر ایجنسی)آپریشن ضرب عضب کے دوران القاعدہ کا کمانڈر عدنا الشکری الجمعہ ساتھی سمیت مارا گیا۔آئی ایس پی آر کے مطابق عدنان الشکری الجمعہ جو کہ بیرونی آپریشنز کا انچارج تھا,آپریشن ضرب عضب کے بعد سیکیورٹی فورسز سے بچنے کے لیے فرار ہو کر جنوبی وزیرستان میں آکر چھپ گیا تھا لیکن پاک فوج نے خفیہ اطلاعات پرجنوبی وزیرستان کے علاقے شین وراسک مٰیں کارروائی کرتے ہوئے کمانڈر القاعدہ عدنان الشکری الجمعہ کواس کے ساتھی سمیت ہلاک کردیا ہے جبکہ 5دہشتگردوں کو گرفتار بھی کر لیا ہے ۔آرمی چیف جنرل راحیل شریف نے فوج کی اس کارروائی کو سراہا اورپاک فوج کوآپریشن ضرب عضب کی کامیابیوں پر مبارک باد پیش کرتے ہوئے اس عزم کا اظہار کیا کہ دہشت گردوں کے صفائے تک آپریشن جاری رہے گا۔