جمعہ, 29 مارچ 2024


عمران آفریدی ملاقات تمام افوہیں دم توڑ گئیں

 

ایمزٹی وی(اسپورٹس)قومی کرکٹر شاہد آفریدی کی جانب سے خیبر پختونخواہ حکومت اور خود پر تنقید کے بعد تحریک انصاف کے چیئر مین عمران خان نے بھی لب کشائی کردی تاہم انہوں نے شاہدآفریدی پر جوابی تنقید نہ کرتے ہوئے سب کو حیران کردیا ۔
میڈیا رپورٹس کے مطابق شاہد آفریدی اور عمران خان نے حیات آباد سپورٹس کمپلیکس کی ایک تقریب میں شرکت کی جہا ں عمران خان نے خطاب بھی کیا ۔
اس موقع پر عمران خان نے ورزش کے فوائد بتا تے ہوئے کہا کہ ورز ش کرنے والا انسان دیر سے بوڑھا ہوتا ہے ،اس ضمن میں شاہد آفریدی کو ہی دیکھ لیں،وہ ابھی تک بوڑھے نہیں ہوئے ۔عمران خان کے منہ سے یہ الفاظ سن کر تقریب میں موجود لوگ اور شاہد آفریدی بے اختیار ہنس پڑے ۔
واضح رہے کہ کچھ عرصہ قبل شاہد آفریدی نے خیبر پختونخواہ حکومت ،عمران خان اور سندھ حکومت کو شدید تنقید کا نشانہ بنا یا تھا جبکہ انہوں نے پنجاب حکومت کی تعریف کی تھی ۔شاہدآفریدی کے ان بیانات کے بعد لوگوں کا خیال تھا کہ وہ ن لیگ میں شمولیت اختیار کر رہے ہیں تاہم شاہد آفریدی اور عمران خان کی اس ملاقات سے ایسی تمام افواہیں دم توڑ گئی ہیں ۔

 

پرنٹ یا ایمیل کریں

Leave a comment