Print this page

ملک کےشمالی حصےکےلیےموسم کی ایڈوائزری جاری

محکمہ موسمیات نے ملک کے شمالی حصے کے لیے بھی موسم کی ایڈوائزری جاری کردی جس کے مطابق آج رات سے ملک کے شمالی حصوں میں مزید مون سون بارشوں کی پیشگوئی کی گئی ہے، بارشوں کا سلسلہ ہفتے کےروز تک جاری رہے گا۔

محکمہ موسمیات کا کہنا ہےکہ خلیج بنگال کے شمال اور ملحقہ علاقوں میں ہوا کا کم دباؤ بن چکا ہے، بحیرہ عرب اور خلیج بنگال سے مون سون ہوائیں آج پاکستان میں داخل ہوں گی اور جمعرات سے جمعہ تک مون سون ہواؤں میں شدت کا امکان ہے۔

محکمہ موسمیات کے مطابق لاہور، راولپنڈی، گوجرانوالہ، سرگودھا، ملتان، ڈی جی خان، ساہیوال، بہاولپور، فیصل آباد، اسلام آباد اور کشمیر میں بھی اکثر مقامات پر بارش ہوگی جب کہ خیبرپختونخوا میں کہیں کہیں بارش کا امکان ہے۔

محکمہ موسمیات نے جمعرات تا جمعہ، مقامی دریاؤں اور برساتی نالوں میں طغیانی کا بھی خدشہ ظاہر کیا ہے جب کہ لاہور، پشاور، راولپنڈٰ، گوجرانوالہ اور فیصل آباد کے نشیبی علاقے زیر آب آنے کا امکان ہے۔

اس کے علاوہ تیز بارشوں سے ہزارہ، مالاکنڈ،گلگلت بلتستان اور کشمیر میں لینڈ سلائیڈنگ کا خطرہ ہے۔

پرنٹ یا ایمیل کریں