پیر, 27 جنوری 2020


وزیراعظم کےوژن کےسیاحت کےفروغ کیلئےاقدامات کیےجارہےہیں

سوات : وزیر اعلیٰ خیبر پختونخوا کا کہنا تھا٘محمود خان کا کہناتھا کہ وزیراعظم عمران خان کے وژن کے مطابق سیاحت کے فروغ کیلئے اقدامات کیے جارہے ہیں،
 
ان خیالات کا اظہار انہوں نے سیدو شریف میں سوات ائیرپورٹ کے متعلق اجلاس سے خطاب کرتے ہوئے کیا، اجلاس میں سی اے اے کے چیف آپریٹنگ آفیسر عبید الرحمان عباسی نے وزیر اعلیٰ کو سیدو شریف ائیرپورٹ سے متعلق بریفنگ دی۔
 
انہوں نے بتایا کہ سیدو شریف ائیرپورٹ کا انفرا اسٹرکچر، رن وے اور ٹیکسی وے مکمل کرلیا گیا ہے، وفاقی حکومت کی جانب سے اجازت ملتے ہی سیدو شریف ائیرپورٹ کر طیاروں کی آمد و روانگی کیلئے کھول دیا جائے گا۔
 
اجلاس سے خطاب کرتے ہوئے وزیر اعلیٰ خیبر پختونخوا کا کہنا تھا کہ وزیراعظم عمران خان کی سیاحت کے وژن کے مطابق اقدامات کیے جارہے ہیں، سیدو شریف، سوات و دیگر سیاحتی مراکز ملکی و غیرملکی سیاحوں کے توجہ کا مرکز ہیں۔
 
وزیر اعلیٰ محمود خان نے کہا کہ سوات ائیرپورٹ کو بیرون ملک پروازوں کیلئے بھی کھولا جائے گا جس سے سیاحت کو فروغ اور سرمایہ کاری کے ساتھ ساتھ زرمبادلہ میں بھی اضافہ ہوگا،۔انہوں نے کہا کہ پی آئی اے سمیت دیگر ائیرلائنز بھی اپنا آپریشن فوری طور پر شروع کردیں،
 
وزیر اعظم سے دوخواست کریں گے کہ سوات ائیرپورٹ پر بڑے طیاروں کی لینڈنگ کے ساتھ انٹرنیشنل پروازیں بھی جلد شروع کی جائیں۔ وزیر اعلیٰ محمود خان نے سول ایوی ایشن اتھارٹی کی کارکردگی کو سراہتے ہوئے کہا کہ سی اے اے نے اتنی قلیل مدت میں سیدو شریف ایئرپورٹ کی بحالی کا کام اضحسن طریقے سے انجام دیا۔
 
اس موقع پر وزیراعلیٰ کے پی کے کو سیدو شریف ائیرپورٹ کا انفرااسٹرکچر اور رن وے کا بھی دورہ کرایا گیا۔

پرنٹ یا ایمیل کریں

Leave a comment