ایمز ٹی وی (لاہور) جوں جوں عید قریب آرہی ہے بازاروں میں عید کی خریداری کا رش بڑھتا جارہا ہے۔پہلے افطاری کے بعد رش ہوتا تھا لیکن اب دن کے وقت بھی رش میں اضافہ ہونے لگا ہے۔جہاں پارکنگ کے مسائل پیدا ہورہے ہیں وہاں خواتین من چلے نوجوان کے ستانے سے پریشان دکھائی دیتی ہیں،بازاروں میں رش کی وجہ سے جیب کتری بھی اپنا کام دکھارہے ہیں ۔
دکانداروں نے منہ مانگیں دام وصول کرنا شروع کردیئے ہیں۔تنخواﺅں کے ملنے کے بعد خریداری میں تیزی آگئی ہے۔رش میں اضافہ کی وجہ بچوں کا اپنی پسند سے خریداری کرنے کے رجحان میں اضافہ ہے، سب سے زیادہ رش ریڈی میڈ ملبوسات کی دکانوں اور جوتوں کی خریداری میں دیکھنے میں آرہا ہے۔سڑکوں پر پارکنگ کی وجہ سے ٹریفک بلاک ہوجاتی ہے بازاروں کی رونق میں چوڑیوں ، جیولری اور مہندی کے سٹالز بھی سج گئے جبکہ خواتین اور لڑکیوں نے عید پر خوبصورت اور حسین دکھنے کے لئے بیوٹی پارلرز کا رُخ کر لیاہے۔
