جعلی ٹریفک اہلکار بن کر لوگوں سے پیسے لوٹنے والا ملزم گرفتار گجرانوالہ: گجرانوالہ میں جعلی ٹریفک اہلکار بن کر لوگوں سے چالان کے نام پر پیسے لوٹنے والا ملزم گرفتارکرلیا گیا۔ سٹی ٹریفک پولیس کا کہنا ہے کہ گوجرانوالہ کا شہری شہزاد دس سال سے لوگوں کو بےوقوف بنا رہا تھا۔ ٹریفک پولیس نے مجرم کو اپنی جگہ دیکھ کے پوچھ گچھ کی تو وہ گھبرا گیاجسے شک ہونے پر پکڑ لیا گیا۔ جعلی ٹریفک وارڈن سے جعلی سروس کارڈ،چالان کی رقم،پستول،یونیفارم بیجز برآمد ہوئی۔ پولیس کا کہنا ہے کہ مقدمہ درج کرلیا گیا ہے اور تحقیقات جاری ہیں۔