Print this page

پاک بحریہ کا اینٹی شپ میزائل کا کامیاب تجربہ

 

 

ایمزٹی وی(کراچی)پاک بحریہ نے ساحلی علاقے میں ایک تربیتی مشق کے دوران سطح زمین سے فائرکیے گئے اینٹی شپ میزائل کاکامیاب تجربہ کیاہے۔
سطح زمین سے فائر کیے گئے اینٹی شپ میزائل نے سمندرمیں موجوداپنے ہدف کوپوری کامیابی سے نشانہ بنایا۔ اس موقع پر وائس چیف آف نیول اسٹاف وائس ایڈمرل کلیم شوکت اورسینئرنیوی افسران موجودتھے۔
وائس نیول چیف نے میزائل فائرنگ کے کامیاب تجربے میں حصہ لینے والے تمام افسروں اورجوانوں بالخصوص میزائل یونٹ کے عملے کی تعریف کی جن کی انتھک محنت اورعزم مصمم کی بدولت یہ تجربہ کامیابی سے ہمکنارہوا۔
ایڈمرل کلیم شوکت نے شرکاء سے خطاب کرتے ہوئے بحرہندمیں سکیورٹی کے تبدیل ہوتے ماحول اوراس حوالے سے پاک بحریہ کودرپیش چیلنجزپرروشنی ڈالی اورکہا پاکستان نیوی علاقائی امن وسلامتی کے حوالے سے سمندری حدود میں درپیش چیلنجزسے نمٹنے کیلیے بھرپورکرداراداکرتی رہے گی۔
سربراہ پاک بحریہ مادروطن کی سمندری حدودکے تحفظ کے لیے افسروں اورجوانوں کی انتھک محنت اورخلوص نیت پرمکمل اعتمادرکھتے ہیں۔

 

 

پرنٹ یا ایمیل کریں