Print this page

اگلے الیکشن میں شہری علاقوں سے کلین سوئپ کریں گے، مصطفی کمال

 

کرا چی(ایمز ٹی وی)پی ایس پی چیئرمین مصطفی کمال نے مہاجروں کے نام پر سیاست کرنے والوں کو مہاجروں کا بدخواہ قرار دیدیا، کہتے ہیں وہ قومیت کی چنگاری کو ہوا نہیں دیں گے۔پاک سرزمین پارٹی کے سربراہ مصطفیٰ کمال نے کہا ہے کہ اگلے الیکشن میں شہری علاقوں سے کلین سوئپ کریں گے، وزیراعلیٰ ہمارا ہوگا یا ہمارا حمایت یافتہ ہوگا۔
مصطفیٰ کمال نے کہا کہ کراچی کو پر امن شہر بنانا چاہتے ہیں ،الیکشن میں شہری علاقوں سے کلین سوئپ کریں گے، مصطفیٰ کمال نے کہا کہ کراچی میں صاف پانی ،نوجوانوں کی گرفتاریوں، بجلی کی لوڈ شیڈنگ اور پارک اجڑنے کی بات کسی نے نہیں کی، ہم نے مسائل کے حل کیلئے دھرنا دیا اور ریلی نکالی کراچی کی بھلائی کےلیے16نکات دیئے، جس پر ہمارے مخالف میئر نے بھی ہمارے8نکات سے اتفاق کیا۔

ان کا کہنا تھا کہ مہاجر نام پر سیاست کرنے والے مہاجروں کے بدخواہ ہیں، قومیت کی چنگاری کو ہوا نہیں دوں گا، شہر کی تمام قومیت کو ساتھ لے کر چلیں گے۔پی ایس پی چیئرمین کا مزید کہنا تھا کہ ایک نسل قومیت کے نام پر ختم ہوچکی ہے اب بس کرو، شہر کے ٹھیکیدار آج بھی اسی سیاست کو ہوا دے رہے ہیں۔

 

 

پرنٹ یا ایمیل کریں