کراچی: چیئرمین پاکستان پیپلزپارٹی بلاول بھٹو کی سربراہی میں کاروان بھٹو کے نام سے لاڑکانہ کے لیے سفر کا آغاز آج کراچی سے ہوگا،جس کی تیاریاں مکمل کرلی گئی ہیں ،پیپلزپارٹی کے کاروان کا آغاز آج کراچی کینٹ اسٹیشن سے شروع ہو کے لاڑکانہ میں اختتام پذیر ہوگا،4اپریل کو لاڑکانہ میں بلاول بھٹو ذوالفقار علی بھٹو کی برسی کے موقع پر جلسہ عام سے خطاب کریں گے
اس کاروان میں شرکت کے لیے کارکنوں کی بڑی تعداد کینٹ ریلوے اسٹیشن پہنچ گئی، بلاول بھٹو اپنے سفر کے دوران 25 مختلف مقامات پر قیام پذیر ہوکر استقبال کرنے والے کارکنان سے خطاب کر یں گے، اس کاروان کا آغاز کراچی ریلوے اسٹیشن سے ہوگا بعد میں وہ کراچی ہی کے ڈرگ روڈ جنکشن اور لانڈھی اسٹیشن پر خطاب کریں گے۔