Print this page

کراچی میں ایک بارپھرہیٹ اسٹروک کاخدشہ

کراچی: محکمہ موسمیات کے ہیٹ ویو سینٹر نے ہیٹ ویو الرٹ جاری کردیا ہے۔
 
محکمہ موسمیات کے ہیٹ ویوسینٹر کے مطابق 13 سے 15 جون کے درمیان سمندری ہوائیں بند رہیں گی، سمندری ہوائیں بند ہونے کی وجہ سے شہر میں درمیانے درجے کے ہیٹ ویو کا امکان ہے جب کہ اگلے 3 روز کے دوران پارہ 39 سے 41 ڈگری کے درمیان رہنے کا امکان ہے۔
 
اس سے قبل محکمہ موسمیات کی جانب سے کراچی میں 4 روزہ گرمی کی نئی لہرکی پیش گوئی کی گئی تھی، بحیرہ عرب میں بننے والے سمندری طوفان کی وجہ سے ہواؤں کا رخ تبدیل ہونے کا امکان ہے جب کہ سمندری ہوائیں معطل ہونے کے سبب غیر معمولی گرمی پیدا ہوگی۔
 
محکمہ موسمیات کے مطابق آج تا ہفتہ پارہ 41 ڈگری سینٹی گریڈ کو چھوسکتا ہے جب کہ نمی کا تناسب غیرمعمولی طورپر بڑھنے سے شدید گرمی اور لو کے تھپیڑے چلنے کا امکان ہے۔
 
 

پرنٹ یا ایمیل کریں