Print this page

کراچی میں آج پھر ہیٹ ویوکا خدشہ، محکمہ موسمیات

کراچی: محکمہ موسمیات کا کہنا ہے کہ آج کراچی میں زیادہ سے زیادہ درجہ حرارت 40 سے 42 ڈگری تک جانے کا امکان ہے۔
 
کراچی میں صبح سے ہی شدید گرمی ہے اور آج شہر میں ہیٹ ویو کا خدشہ بھی ہے۔ محکمہ موسمیات کا کہنا ہے کہ شہر کا آج زیادہ سے زیادہ درجہ حرارت 40 سے 42 سینٹی گریڈ تک رہنے کا امکان ہے۔
 
محکمہ موسمیات کے مطابق ہوا میں نمی کا تناسب 76 فیصد ہے، ہوا میں نمی کا تناسب بڑھنے سے گرمی کی شدت زیادہ محسوس کی جائے گی۔
 
صوبائی ڈیزاسٹرمینجمنٹ اتھارٹی نے شہریوں کو احتیاطی تدابیر اختیار کرتے ہوئے سرڈھانپ کر رکھنے، تولیہ، پانی اور چھتری ساتھ رکھنے کی ہدایت کی ہے۔
 
طبی ماہرین کے مطابق گرم موسم میں پانی کا استعمال زیادہ کریں، غیرضروری طور پر گھروں سے باہر نکلنے سے گریز گریں۔
 
دوسری جانب آج ٹھٹھہ، بدین، تھرپارکر سمیت سندھ کے دیگر شہروں میں آندھی اوربارش کا امکان ہے۔
 
محکمہ موسمیات کے مطابق ٹھٹھہ اور بدین کی جانب سے ہوائیں چل رہی ہیں، ہوا کی رفتار 7 ناٹیکل مائیل ہے۔

پرنٹ یا ایمیل کریں