Print this page

کراچی میں موسم سرماکی پہلی بارش متوقع

کراچی: شہر میں آج بونداباندی اورہلکی بارش کا امکان ہے جب کہ موسم سرما کی پہلی بارش کے بعد شہر میں یخ بستہ ہوائیں چل سکتی ہیں۔
 
محکمہ موسمیات کے مطابق آج رات گئے شہر کے مختلف علاقوں میں کہیں بونداباندی اور کہیں ہلکی بارش کا امکان ہے جس کے دوران درجہ حرارت میں نمایاں کمی متوقع ہے۔
 
چیف میٹرولوجسٹ سردارسرفراز کے مطابق مغرب سے ایران کے راستے بلوچستان میں داخل ہونے والے مغربی سسٹم کے تحت اندرون سندھ کے مختلف شہروں اورکراچی میں ہونے والی بارشوں کے بعد سردی کی لہرچلنے کا امکان ہے۔
 
محکمہ موسمیات کے مطابق رات اورصبح کے اوقات میں گرد آلود موسم جبکہ دھند چھانے کا امکان ہے جس کی وجہ سے حد نگاہ متاثرہوسکتی ہے،بدھ کو شہر کا کم سے کم درجہ حرارت18.5ڈگری سینٹی گریڈ ریکارڈ ہوا جبکہ شہر کا زیادہ سے زیادہ پارہ 33ڈگری رہا،بدھ کو شہر میں سمندر کی جنوب مغربی جبکہ بلوچستان کی شمال مشرقی ہوائیں چلیں۔
 
چیف میٹرولوجسٹ کے مطابق آج دن کے وقت موسم ابرآلود رہنے جبکہ کم سے کم درجہ حرارت 18سے20ڈگری کے درمیان رہنے کا امکان ہے۔
 

پرنٹ یا ایمیل کریں